اداکارہ روبینہ اشرف نے کورونا نوں شکست دی دتی

کراچی : معروف پاکستانی اداکاری روبینہ اشرف نے کورونا نوں شکست دیون توں بعد گھر واپس آگیں۔اداکارہ روبینہ اشرف دی دھی مینا طارق نے پچھلے دناں اپنی والدہ دی تصویر انسٹا گرام اُتے شیئر کردیاںہوئیان اوہناں نے صحتیاب ہوون بارے خوشخبری دتی۔اپنی والدہ لئی جذباتی پیغام لکھدیاں ہوئیاں اوہناں نے محبت دا اظہار کیتا تے تمام چاہن والیاں دا شکریہ ادا کیتا ، جنہاں نے اوہناں دی والدہ دی صحتیابی لئی دُعا کیتی ۔واضح رہیے کہ اداکارہ روبینہ اشرف کجھ عرصہ پہلاں کورونا وائرس دا شکار ہو گیاں سن ، جس توں بعد اوہناں دی طبیعت دن بدن خراب ہوون لگ پئی تے او آئی سی یو وچ منتقل ہو ون دی خبر سوشل میڈیا اُتے گردش کرن لگ پئی ، لیکن اوہناں دی دھی نے آکھیا کہ آئی سی یو والی خبر جھوٹی اے۔