اردوان اسلامی دنیا دے سب توں متاثر کن رہنماواں وچوں اک نیں: رابی پیرزادہ

لہور:رابی پیرزادہ نے ترکی دے صدر طیب اردگان دی پینٹنگ بنان دی تصویر جاری کر دتی۔ رابی پیرزادہ نے آکھیا رجب طیب اردگان اسلامی دنیا دے سب توں متاثر کن رہنماواں وچوں اک نیں۔ شوبز نوں خیرباد کہن والی گلوکارہ رابی پیرزادہ نے ترک صدر طیب اردوان دی پینٹنگ بنان دی تصویر جاری کر دتی۔

ٹویٹر تے اوہناں نے ترک صدر طیب اردوان دی تصویر دا خوبصورت خاکہ تیار کیتا تے تصویر نوں مداحواں دے نال شیئر وی کیتا، تصویر دے کیپشن وچ رابی نے لکھیا طیب اردوان اسلامی دنیا دے سب توں متاثر کن رہنماواں وچوں اک نیں۔اوہناں نے ہمیشہ امت مسلمہ نوں متحد کرن دی کوشش کیتی، مسلماناں تے ظلم دے خلاف آواز چکی اے، میری خواہش اے کہ میں اردوان نوں پینٹنگ تحفے وچ دیواں۔