فیراری توں لے کے رولس رائس، دبئی وچ لگژری کاراں دا قبرستان

دبئی: دبئی توں قریب شارجہ دے اک میدان وچ بینٹلے، فیراری، رینج روور، رولس رائس تے باقی قیمتی ترین سپر تے اسپورٹس کاراں دا اک ڈھیر ریگستانی مٹی وچ مٹی بن رہیا اے۔

ایس طراں کاراں دے ایس قبرستان نوں دنیا دا سب نالوں قیمتی کباڑ خانہ قرار دتا جا سکدااے۔ اگر چہ بہت جہیاں گڈیاں دی پیڑی حالت وچ نیں پر اوہناں دے فاضل پرزے وی چنگی قیمت تے فروخت ہو سکدے نیں۔ شدید گرمی، خشکی تےریگستانی ریت دے حملے نے ایہناں کاراں دا حسن گہنا دتا اے۔سپر کاراں دے مالکان قرض ادا کرن توں قاصر رہے تے دیوالیہ ہوون تے ملک توں جا چکے نیں۔

متحدہ عرب امارات تے بالخصوص دبئی وچ 2012 وچ شدید معاشی بحران آیا سی۔ ایتھوں جان والیاں وچ کئی برطانوی، امریکی تے باقی باشندے وی شامل نیں جیہڑے اپنی پر تعیش زندی جاری نہ رکھ سکے تے اوس بیابان وچ لگژری کاراں ایس طراں چھڈ کے ٹر گئے کہ بعض وچ چابیاں وی لگیاں سن۔ بعض نے کاراں ایئر پورٹ تے ای چھڈ دتیاں سن۔ایہہ افراد شدید جرمانے تے قرض وچ جکڑے سن تے گرفتاری دے خوف نال اپنیاں کاراں چھڈ کر کے بھج گئے جہناں وچ مرسڈیز، بی ایم ڈبلیو، او ڈائی ، مسٹینگ تے باقی گڈیاں شامل نیں جیہڑیاں پیاں پیاں سڑ رہیاں نیں۔