نعت شریف

علی احمد گجراتی

کدی والفجر چہرے دا ملے جلوہ نبی ۖ میرے
ملے مشتاق اکھیاں نوں تیرا صدقہ نبی ۖ میرے
میرے بے کیف جیون نوں تُسی پُر کیف کر دیوو
میرا کاسہ میرے آقا ۖ سخاوت نال بھر دیوو
کدے خالی نہ فِر ہووے میرا کاسہ نبی ۖ میرے
کدی والفجر چہرے دا ملے جلوہ نبی ۖ میرے
تیرے دَر تے فرشتے کیہ نبی وی ہِن گدا سارے
تیرے نعلین چُم چُم کے پئے ہوون خدا سارے
تیری عظمت نوں بس جاتے خدا میرا نبی ۖ میرے
کدی والفجر چہرے دا ملے جلوہ نبی ۖ میرے
تیرے کردار ارفع نیں حیاتی نوں حیا بخشی
تیرے افکار نیں جگ نوں صداقت دی ضیاء بخشی
حیاتی دا قرینہ ہے تیرا ”خطبہ” نبی ۖ میرے
کدی والفجر چہرے دا ملے جلوہ نبی ۖمیرے
دِلاں اندر ٹُرے خواہش تیرے نا ں توں فدا ہوئیے
تیری دہلیز نوں چُمئیے گلی تیری گدا ہوئیے
علی احمدوی چمنا ایں تیرا تلوہ بنی ۖ میرے
کدی والفجر چہرے دا ملے جلوہ نبی ۖ میرے