نعت شریف

علی احمد گجراتی

کونین توں رُتبہ جُدا میرے نبیۖ صلّے علیٰ
خیر البشر خیرالوریٰ میرے نبی صلّے علیٰ
ہے روشنی ہی روشنی جو راستہ ہے آپۖ دا
سارے جہاناں نوں ہر گھڑی بس آسرا ہے آپۖ دا
ہے آپۖ تے راضی خدا میرے نبیۖ صلّے علیٰ
خیر البشر خیر الوریٰ میرے نبیۖ صلّے علیٰ
سچائی تے ایمان تے سبھ راستے ایتھوں ٹُرے
اِک آپۖ دی ہی ذات توں اخلاق دے دِیوے بَلے
کیتی گدا عیسیٰ شفا میرے نبیۖ صلّے علیٰ
خیر البشر خیرالوریٰ میرے نبیۖ صلّے علیٰ
کر نہ سکے کدھر ہے کوئی میرے نبیۖ دی ہمسری
ہر ہر قدم جو آپۖ دا انسان دی ہے رہبری
بخشے ضیا غارِ حرا میرے نبیۖ صلّے علیٰ
خیر البشر خیر الوریٰ میرے نبیۖ صلّے علیٰ