گوجرانوالہ پُلس لُیٹریاں دی سَر پرست شہری دا قیمتی موبائل کھون والے ڈاکو چھَڈ دِتے

لہور(پنجابی میڈیا گروپ)تھانہ سبزی منڈی گوجرانوا لہ د ے علاقے پڑاؤ روڈ اُتے شہری عاطف ریحان بٹ نوں تشدد دا نشانہ بنا کے قیمتی موبائل فون کَھون والے ملزماں دی پُولیس سرپرست بن گئی۔سائل دی درخواست دین دے باوجود پرچہ درج ہویانہ ہی ملزم گرفتار ہوئے۔تفصیل دے مطابق کینال ویو گوجرانوالہ دے رہائشی عاطف ریحان بٹ نے تھانہ سبزی منڈی گوجرانولہ وِچ درخواست دِتی اے کہ اوہ23مئی نوں شام5وَجے پڑاؤ روڈ نیڑیگیپ چوک رانا بشیر برتن سٹور اُتے اپنے پیسے لین گیا تے شکیل احمد نے5نامعلوم اپنے ساتھیاں دے ہمراہ اوس نوں زدوکوب کیتاتے بدترین تشدد کر کے اوستوںPro Mex I phone 13مالیتی325000روپے کھو لیا۔جس اُتے عاطف ریحان بٹ نے15اُتے وقوعہ دی اطلاع دِتی ،پلس نے موقع اُتے اپڑ کے ملزماں توں اوس دا قیمتی موبائل فون برآمد کر لیا۔موبائل فون دی برآمدگی اُتے شہری عاطف ریحان نے ملزماں دے خلاف مقدمہ درج کَرن لئیتھانہ سبزی منڈی گوجرانولہ وِچ درخواست دے دِتی اے لیکن پلس نے بَروقت کارروائی کرکے پرچہ درج کرن تے ملزماں نوں گرفتار کرن دی بجائے ملزماں نوں خصوصی پرٹول کول دیندیاں ہویاں3دِن لَنگ جان دے باوجودمقدمہ درج نہیں کیتاجدکہ اہل علاقہ دا کہنا اے کے پڑاؤ روڈ اُتے ایس قسم دِیاں وارداتاں معمول بن گئیاں نیں جرم وَدھن دی بُنیادی وجہ متعلقہ تھانے وَلوں اینہاںجرماں وِچ ملوث ملزماں دے خلاف کارروائی نہ کرنا اے،ملزم سرعام دندناتے پھردے نیں۔اہل علاقہ نے اعلیٰ پلس حکام توں متعلقہ تھانے دی غفلت تے جرم وَدھم دافوری نوٹس لین دامطالبہ کیتااے۔