حویلیاں حادثہ طیارے دے دوواں انجن دی خرابی دے باعث پیش آیا، ترجمان پی آئی اے

اسلام آباد ( بیورو رپورٹ ) پاکستان انٹر نیشنل ایئر لائن (پی آئی اے) دے ترجمان عبداللہ حفیظ نے آکھیا اے کہ حویلیاں حادثہ طیارے دے دوواں انجن دی خرابی دے باعث پیش آیا،تفصیلات دے مطابق نجی ٹی وی دے نال گل با ت کردیاں ہویاں ترجمان پی آئی اے عبداللہ حفیظ ہوراں نے آکھیا اے کہ پہلی واری اک انجن خراب ہویا تے دوجے وچ وی تکنیکی خرابی پی شآئی۔ اڑان توں پہلاں جہاز ٹھیک سی دوران پرواز ٹربائن پلیٹ ٹٹ گیا۔ طیاراں لئی دو انجمن ہوندے نیں۔ حویلیاں حادثہ طیارے دے دوواں انجن دی خرابی دے باعث پیش آیا۔ ترجمان پی آئی اے دامزیدآکھنا سی کہ طیارے حادثے دے بعد جہازانجمن وچ سکیورٹی نظام نوں مکمل طور تے تبدیل کیتا گیا اے۔حادثات دی رپورٹ پچھلے روز سندھ ہائیکورٹ وچ پیش کیتی سی۔ یاد روے کہ قومی ائیرلائن دے طیارے پی کے 661 نے سات دسمبر 2016 نوں چترال توں اسلام آباد لئی اڑان بھری تے مسافراں دے ہمراہ معروف نعت خواں تے مبلغ جنید جمشید تے ایہناں دی اہلیہ وی موجود سن۔ جہدے وچ کل 47مسافر مار ے گئے سن۔