کورونا وباء:ہلاکتاں وچ تیزی دے نال اضافہ،مزید75 مریض موت دی وادی وچ چلے گئے

اسلام آباد (بیورو رپورٹ)پاکستان وچ ساڑھے چار ماہ دے دوران اک روز وچ کورونا دے نال سبھ توں زیادہ 75اموات رپورٹ ہوئیاں نیں۔تے مرن والیاں دی مجموعی تعداد8ہزار166 ہوگئی اے۔نیشنل کمانڈاینڈ کنٹرول سینٹر ولوں جاری اعدادوشمار دے مطابق24 گھنٹے وچ 2ہزار829 نئے کیسز ساہمنے آئے تے متاثرہ افراد دی کل تعداد4لکھ 3ہزار313 ہوگئی اے۔پاکستان وچ کورونا دے3لکھ 45 ہزار365 مریض صحتیاب ہوچکے نیں تے49ہزار780 زیر علاج نیں۔کرونا دے سبب سبھ توں زیادہ اموات پنجاب وچ ہوئیاں نیں۔ جتھے تن ہزار 66افراد جان دی بازی ہارچکے نیں۔ سندھ وچ 2 ہزار962، خیبر پختونخوا اک ہزار 375، اسلام آباد 324، گلگت بلتستان 97، بلوچستان 169 تے آزاد کشمیر وچ 173 افراد جان دی بازی ہار چکے نیں۔ پاکستان وچ کورونادے نال اموات دی شرح2.02 فیصد ہوگئی اے۔ کورونا دے نال جاں بحق 76 فیصد افراد دی عمراں 50 سال توں زائد دسی جاندی اے۔ کرونا دے نا ل جاں بحق 72فیصد کرونا مریض دیگر بیماریاں وچ وی مبتلا سن۔ کرونا توں جاں بحق افراد وچوں 91فیصد دا انتقال اسپتالاں وچ ہویا۔