پشاور وچ کورونا دے نال اک ہور ڈاکٹر جاں بحق

پشاور(بیورو رپورٹ) خیبر پختونخوا شہر پشاور وچ کورونا دے نال اک ہور ڈاکٹر جاں بحق ہو گیا،ڈاکٹر خلیفہ گل نواز ہسپتال بنوں دے ایڈیشنل ڈائریکٹر سن۔ ڈاکٹر نارتھ ویسٹ ہسپتال پشاور وچ کورونا دے باعث وینٹی لیٹر اتے سن۔خیبر پختونخوا دے دو وڈیاں ہسپتالاں وچ درجناں ڈاکٹرز تے پیرا میڈیکل سٹاف دے کرونا ٹیسٹ مثبت آگئے نیں۔ خیبر پختونخوا دے سبھ توں وڈے لیڈی ریڈنگ ہسپتال وچ 25 ڈاکٹرز تے پیرا میڈیکل اسٹاف کورونا وائرس دا شکار ہو گئے۔ہسپتال انتظامیہ دے مطابق کورونا دی دوجی لہر وچ ایل آرایچ وچ 8 ٹی ایم اووز، 2 اسسٹنٹ پروفیسر تے پیرا میڈیکس سنے ایڈمنسٹریشن اسٹاف وچ کورونا دی تصدیق ہوئی اے۔