اسلام آباد پلیس دی بڑی کارروائی :افغان گینگ دے4 خطرناک ملزمان گرفتار

اسلام آباد(بیورو رپورٹ)وفاقی دارالحکومت اسلام آباد وچ پلس نے کارروائی دے دوران ڈکیتی دی وارداتاں وچ ملوث منظم ڈکیت افغانی گینگ دے خار خطرناک ملزمان نوںگرفتار کرلیا اے۔ ترجمان پلیس دے مطابق گرفتار ہون والے ملزمان وچ شیر آغا،تحسین اللہ،وحید گل،نادر خان شامل نیں ،ملزمان دے قبضے توں غیرملکی کرنسی ،طلائی زیورات، لیپ ٹاپ، موبائل فونز،قیمتی گھڑیاں تے نقدی برآمد کرلیاں گیا ں نیں جدکہ ملزمان دے قبضہ توں وارداتاں وچ استعمال ہون والا اسلحہ وایمونشن تے موٹرسائیکل برآمد وی کیتی گئی اے۔ ابتدائی چھان بین دے دوران ملزمان نے جڑواں شہر وچ متعدد وارداتاں داانکشاف کیتا اے۔ ترجمان پلس دے مطابق ملزمان دن دے ویلے ریکی کردے موقع ملدیاں ای گن پوائنٹ اتے واردات کرکے افغانستان فرار ہو جاندے سن۔