معروف شاعر استاد دامن نوں اپنے مداحاں کولوں بچھڑے 36 برس بیت گئے

جہانیاں(بیورو رپورٹ) پنجابی دے معروف شاعر استاد دامن نوں اپنے مداحاں کولوں بچھڑے 36 برس بیت گئے۔3دسمبر جمعرات نوں ایہناں دی یاد وچ برسی منائی جاوے گی۔ ایس سلسلے وچ ادبی حلقیاں دے زیرہتمام تعزیتی ریفرنسز تے دیگر تقریبات دا اہتمام کیتا جاوے گا۔ جہناں وچ استاد دامن دی ادبی خدمات نوں خراج عقیدت پیش کیتا جاوے گا۔ استاد دامن 9فروری 1911ء نوں لہور وچ پیدا ہوئے ایہنا ں دا اصل ناں چراغ دین سی جدکہ دامن ایہناں دا تخلص سی۔ معروف ترقی پسند شاعر فیض احمد فیض مرحوم وی استاد دامن دے مداحاں وچ شامل سن۔استاد دامن 3دسمبر 1984ء نوں انتقال کر گئے سن۔