عمران خان ای واحد آپشن ،2023ء دے بعدوی ایہی تسلسل روے گا : جمشید اقبال چیمہ

لہور (سٹی رپورٹر)انصاف ویلفیئر ونگ دے مرکزی سیکرٹری جنرل جمشید اقبال چیمہ نے آکھیا اے کہ عمران خان ای واحد آپشن ،2023ء دے بعدوی ایہی تسلسل روے گا ۔اپوزیشن ہلکان ہو جاوے گی پر اپنے مقاصد وچ کامیاب نہیں ہو سکے گی۔ موجودہ سرکار نے 80فیصد قرضہ مسلم لیگ ن دے دور دے مہنگے قرضے اتار ن لئی لیا اے تے اعدادوشمار اتے کوئی وی لیگی رہنما جدوں چاہے مناظرہ کرلوے۔حلقہ این اے 127دے رہنمائواں دے وفد دے نال ملاقات وچ گل بات کردیاں ہویاں اوہناں نے آکھیا اے کہ اسیں بالکل میثاق معیشت دے حق وچ نیں پر اپوزیشن پہلاں دسے ۔ جس طرحاں میثاق جمہوریت نوں اپنے مفاد لئی استعمال کیتا گیا میثاق معیشت دا وی ایسی طرحاں استعمال ہووے گا؟ ساڈی ولوں ملک وقوم دے مفاد نوں تر جیح دتی جاوے گی۔