نوٹاں، لوٹیاں تے بوٹاں دی سیاست دا خاتمہ چاہنے آں: سراج الحق

مانسہرہ( پنجابی میڈیا گروپ) جماعت اسلامی دے امیر سراج الحق نے آکھیا اے الیکشن وچ اسمبلیاں تے سینیٹ لئی اک قنون ہونا چاہیدا اے، اسیں دیس وچ نوٹاں، لوٹاں تے بوٹاں دی سیاست دا خاتمہ چاہنے آں، پی ڈی ایم والیاں نے اپنی کوئی کمٹمنٹ پوری نہیں کیتی۔ جماعت اسلامی دے امیر سراج الحق نے مانسہرہ وچ میڈیا نال گل کردیاں آکھیا سرکار مصنوعی آکسیجن اُتے اے، آکسیجن ہٹاندیاں ای ختم ہو جائے گی۔اوہناں آکھیا پی ڈی ایم تے پی ٹی آئیدی سیاست وچ کوئی فرق نہیں اے، دوواں دی سیاست کجھ شخصیات دے آلے دوالے گھمدی اے۔ سراج الحق نے آکھیا الیکشن وچ اسمبلیاں تے سینیٹ لئی اک قنون ہونا چاہیدا اے۔ امیر جماعت اسلامی نے آکھیا پی ڈی ایم والیاں نے اپنی کوئی کمٹمنٹ پوری نہیں کیتی۔