تحریک انصاف نے کوئی ضمنی الیکشن نہیں جتیا، سعد رفیق

لہور(پنجابی میڈیا گروپ)مسلم لیگ نون دے رہنما خواجہ سعد رفیق داآکھنا اے کہ تحریک انصاف نے کوئی ضمنی الیکشن نہیں جتیا۔اج اسیں ایتھے الیکشن کمیشن آئے آں ۔ دھاندلی نہیں دھاندلا ہویا اے۔ تفصیلات دے مطابق پچھلے وزیر ریلوے سعد رفیق نے میڈیا دے نال گل بات کردیاں ہویاں آکھیا اے کہ ن لیگ ایہہ ڈیمانڈ کردی اے کہ این اے 75 وچ دوبارہ الیکشن کروائے جان۔اوہناں نے مزیدآکھیا اے کہ پلس سرپرستی وچ کھلم کھلا دھاندلی ہوئی۔ ڈسکہ شہر وچ فائرنگ ہوئی’ ایہوی وجہ اے کہ ٹرن آئوٹ ڈسکہ وچ گٹھ سی۔ ایہہ سبھ پری پلان سی۔ ایہہ سرکار عادی ووٹ چور اے۔ ڈسکہ وچ الیکشن ریکارڈ غائب کیتا گیا۔ سعد رفیق ہوراں نے مزیدآکھیا اے کہ پی ٹی آئی سرکار دا اکیوی کم اے مخالفین نوں ٹارنگ کرنا ۔ تساں سمجھے اوہ لنگر خانے کھول کے قو م دی خدمت کررہے اوہ ۔ تہان نہ اکنامک دی سمجھ اے نہ معیشت دی سمجھ اے۔