حاسد کدی خوش نہیں رہندا، الٹا نقصان ہوندا اے: ریشم

لہور( پنجابی میڈیا گروپ) اداکارہ ریشم نے آکھیا اے شوبز دی دنیا وچ حسد عام جہی چیز اے پر حسد کرن والا کدی خوش نہیں رہندا بلکہ الٹا نقصان کردا اے۔ میڈیا رپورٹ دے مطابق اداکارہ نے آکھیا چار دن دی تھوڑی جہی حیاتی وچ جے اسیں اک دوجے لئی چنگا سوچئے تے معاشرے وچ بڑی مثبت تبدیلی آ سکدی اے۔ اوہناں نے اک انٹرویو وچ آکھیا کسے دی دل آزاری کرکے انسان کدی خوش نہیں رہ سکدا، خوش کلامی دے دو بول تہاڈا مرتبہ اُچا کر دیندے نیں۔ ریشم دا کہنا سی سانوں اپنے رویے وچ اخلاقیات دا وصف پیدا کرنا ہووے گا تے اک دوجے لئی اپنے دلاں نوں وڈا کرکے اسیں دوجیاں دی نظر وچ اپنی عزت پیدا کر سکنے آں۔