پی ڈی ایم (اگے کھوہ تے پیچھے کھائی )ورگی صورتحال توں دوچار اے، فردوس عاشق اعوان

لہور( پنجابی میڈیا گروپ) وزیر اعلیٰ دی معاون خصوصی اطلاعات ڈاکٹر فردوس عاشق اعوان نے آکھیا اے کہ پی ڈی ایم اگے کھوہ تے پچھلے کھائی ورغی صورتحال توں دوچار اے۔پی ڈی ایم دے کول کل جمع پونجی مولانا،جھوٹھی راجکماری تے رسوائی بچے گی ۔سماجی رابطیاں دی ویب سائٹ ٹو ئٹر تے اپنے اک ٹویٹ وچ فردوس عاشق اعوان نے آکھیا کہ پی ڈی ایم اگے کھوہ تے پچھلے کھائی ورغی صورتحال توں دوچار اے۔پیپلزپارٹی ولوں پی ڈی ایم دے نال باقاعدہ علیحدگی کرپٹ اپوزیشن اتحاد دی ڈگدی دیوا رنوں اک تکا ہور اے۔ سرکار گران دے خواب ویکھن والی پی ڈی ایم کپتان دی فہم تے دانشمندانہ سیاست کے اگے ریت دی دیوا رثابت ہو رہی اے۔ فردوس عاشق اعوان ہوراں نے مزیدآکھیااے کہ کرپشن دے تحفظ لئی بنی پی ڈی ایم وچ شامل جماعتاں زیادہ دیراکٹھا چلن نوں تیارنہیں۔ اوہ ویلا دور نہیں جدوں مولانا تے جعلی راجکماری دی پی ڈی ایم اتے قائم اجارہ داری دے باعث باقی ماندہ جماعتاں وی الگ ہوندیاں نظر آن گیاں۔ پی ڈی ایم دے کول کل جمع پونجی مولانا،جھوٹھی راجکماری تے رسوائی بچے گی ۔