گورنر پنجاب نال عاصم سلیم باجوہ دی ملاقات، سی پیک منصوبے اُتے گل بات

لہور( پنجابی میڈیا گروپ)گورنر پنجاب نال چیئرمین سی پیک اتھارٹی عاصم سلیم باجوہ نے ملاقات کیتی، جس سچ سی پیک منصوبے سنے ہوراں کماں اُتے گل بات کیتی گئی ۔ چودھری سرور نے عاصم سلیم باجوہ دے ملکی معاشی ترقی تے سی پیک وچ کردار نوں سراہیا۔ایس موقع اُتے گورنر پنجاب چودھری سرور ہوراں آکھیا کہ سی پیک پاکستان دی تقدیر بدلن لئی اہم منصوبہ اے، پاک چین دوستی دے مظہر ایس منصوبے نوں ہر حال وچ مکمل کرن گے۔ پاکستانی حکومت تے عوام دی سی پیک نوں دلی حمایت حاصل اے۔ اوہناں آکھیا کہ سی پیک دی تعمیر دا چنگا نتیجہ آ رہیا اے۔ چین تے پاکستان وچ اج چٹان توں مضبوط دوستی اے، وزیراعظم دی قیادت وچ پاکستان درست سنے وچ اگے ودھ رہیا اے۔