کالعدم تحریک لبیک پاکستان نوں فنڈز دین اُتے وی پابندی

اسلام آباد( پنجابی میڈیا گروپ)کالعدم تنظیماں دی فہرست وچ شامل ہون توں بعد ٹی ایل پی نوں فنڈ دین اُتے پابندی لگ گئی
میڈیا دے مطابق تحریک لبیک پاکستان کالعدم تنظیماں دی فہرست وچ شامل کرلی گئی اے، تے قومی ادارہ برائے انسداد دہشت گردی(نیکٹا)نے ٹی ایل پی نوں کالعدم جماعتاں دی فہرست وچ79ویں نمبر اُتے شامل کیتا اے۔
نیکٹا دے مطابق کالعدم تنظیماں دی فہرست وچ شامل ہون توں بعد تحریک لبیک پاکستان(ٹی ایل پی)نوں فنڈ دین اُتے وی پابندی لگ گئی، تے ایس تنظیم نوں خیرات، صدقہ یا کسی وی قسم دی امداد دہشتگرداں دی مالی معاونت دے مترادف ہوئے گی۔ نیکٹا نے تحریک لبیک پاکستان دے اثاثیاں دے تعین لئی وزارت داخلہ دے چیف سیکرٹری نوں خط لکھ دتا اے۔