آن لائن پڑھائی توں طلبہ پریشان: تعلیمی ادارے ہفتے وچ2 دن کھولنے دی تجویز

اسلام آباد( پنجابی میڈیا گروپ)وفاقی وزیر منصوبہ بندی اسد عمر نے ہفتہ وچ دو دن تعلیمی ادارے کھولن دی تجویز دی حمایت کردیاں آکھیا کہ این سی او سی دے اگلے اجلاس وچ تجویز خود پیش کراں گا۔
تفصیل دے مطابق پچھلے دناں وفاقی وزیر منصوبہ بندی اسد عمر نال آل پاکستان پرائیویٹ سکولز اینڈ کالجز ایسوسی ایشن دے صدر ملک ابرار حسین دی قیادت وچ نجی تعلیمی اداریاں دے وفد نے ملاقات کیتی۔
ایس موقع اُتے گل بات کر دیاںاسد عمر نے آکھیا کہ سکولاں دی مسلسل بندش نال ہون والے مسائل تے تعلیمی نقصانات دا احساس اے۔ آن لائن تعلیمی سلسلہ ٹھیک نتائج نہیں دے سکیا۔اسد عمر نیہور آکھیا کہ کم ازکم ہفتے وچ دو دن فزیکل کلاساں لئی این سی او سی دے اجلاس وچ خود تجویز رکھاں گا۔اوہناںآکھیا کہکورونا پاروں نجی تعلیمی اداریاں دے درپیش مسائل حل کرائے جان گے۔اوہناں ہور آکھیا کہ آن لائن طریقے نال مکمل پڑھائی ممکن نہیں ہو رہی، ایس لئی اوہ ایس تجویز توں متفق نیں کہ ہفتے وچ دو دن تعلیمی اداریاں نوں لازمی کھولیا جائے۔