50 توں60سال دے شہریاں دی کورونا ویکسی نیشن21اپریل توں شروع

اسلام آباد( پنجابی میڈیا گروپ) سربراہ این سی او سی ہوراں آکھیا کہ50توں60سال دی عمر دے شہریاں لئی کورونا ویکسی نیشن21اپریل توں شروع کردتی جائے گی۔وفاقی وزیر منصوبہ بندی اسد عمر نے ٹوئٹ کردیاں ہوئیاں دسیا کہ اج نیشنل کمانڈ اینڈ آپریشن سینٹر(این سی او سی)دا اجلاس ہوئیا جس وچ50توں59سال دی عمر دے شہریاں لئی کورونا توں بچن دی ویکسی نیشن شروع کرن دا فیصلہ کیتا گیا۔اسد عمر ہوراں آکھیاکہ ملک بھر وچ50توں60سال دے افراد لئی کورونا ویکسی نیشن21اپریل بدھ توں شروع کردتی جائے گی۔ اوہناں نے آکھیا کہ وچ اک وار فیر تمام لوکاں دی حوصلہ افزائی کردا واں کہ اوہ ویکسی نیشن لئی اپنی رجسٹریشن کروان۔