بھارت: کورونا پاروں2ہزار764ہلاکتاں،3لکھ19ہزار توں ودھ متاثر

نویںدہلی( پنجابی میڈیا گروپ)بھارت وچ کورونا دی صورتحال بدستور خوفناک اے، ہور2ہزار764افراد زندگی دی بازی ہار گئے،3لکھ19ہزار توں ودھ افراد متاثر ہو گئے۔ امریکا، یورپی یونین تے برطانیہ توں امداد پہنچنا شروع ہو گئی۔
بھارت وچ مسلسل 6ویں دن وی3لکھ توں ودھ کیس رپورٹ ہوئے جدکہ2764افراد ہلاک ہوئے نیں، نویں دلی دے ہسپتا لاں وچ جگہ ختم ہو چکی اے، مریضاں نوں آکسیجن نہیں مل رہی۔ کورونا دی خوفناک صورتحال پاروں صحت دے حکام نے شہریاں نوں گھراں وچ وی ماسک پان دی ہدایت کر دتی اے۔
ماہرین نے خدشہ ظاہر کیتا اے کہ مئی دے وسط تک روازوار دے کیس پنج لکھ تک اپڑ جان گے، عالمی ادارہ صحت نے بھارت دی صورتحال اُتے سخت تشویش دا اظہارکردیاں ہوئیاں آکسیجن سلنڈر تے اسٹاف گھلن دا اعلان کیتا اے۔