حکومت ولوں اعتکاف بیٹھن اُتے کوئی پابندی نہیں لگی:طاہر اشرفی

اسلام آباد( پنجابی میڈیا گروپ) وزیراعظم کے معاون خصوصی طاہر اشرفی نے اعتکاف اُتے پابندی بارے خبراں دی تردید کردتی۔اسلام آباد اندر پریس کانفرنس کردیاں مولانا طاہر اشرفی ہوراں آکھیا کہ اسلامی نظریاتی کونسل دے اجلاس وچ ایس او پیز اُتے عمل کرن دی تلقین کیتی گئی، پاکستان وچ سب توں ودھ ایس او پیز اُتیعمل مسجداں وچ ہورہیا اے تے حکومت نے اعتکاف بیٹھن اُتے کوئی پابندی نہیں لگائی۔اوہناں ہور آکھیاکہ گزارش اے کہ جمعے دی نماز پڑھن جان تے ایس او پیز اُتے عمل کرن، جمعہ دی نماز لئیگھروں وضو کر کے آئو، ماسک پائو، فاصلہ رکھو، مسجد وچ دعا دے نال ایس او پیز اُتیعمل درآمددے پیغام وی دین چاہیدا۔