حکومت دا الیکشن ایکٹ2017وچ49تبدیلیاں کرن دا اعلان

اسلام آباد( پنجابی میڈیا گروپ) حکومت نے الیکشن ایکٹ2017وچ49تبدیلیاں کرن دا فیصلہ کیتا اے۔اسلام آباد وچ پریس کانفرنس کردئیاں وفاقی وزیر اطلاعات فواد چوہدری ہوراں آکھیا کہ اصل معاملہ انتخاب تے اوس دے نتیجے اُتے اعتماد دا اے، ن لیگ نے آکھیا آر ٹی ایس بیٹھا تے دھاندلی ہوئی، اسیں حلقیاں دی نشاندہی دا آکھیا جیہڑی نہیں ہوئی، کراچی وچ ہون والے الیکشن وچ وی دھاندلی دا شور مچیا ہوئیا اے، ن لیگ پیپلزپارٹی اُتے دھاندلی دا الزام لگارہی اے لیکن وزیراعظم نے پہلے ہی دن دھاندلی اُتے پارلیمانی کمیٹی بنادتی سی۔فواد چوہدری دا کہنا سی کہ انتخابی اصلاحات نہ لیان اُتے سیاسی تے جمہوری ترقی رک جائے گی لہذا اینج داالیکشن چاہندے آں نتیجہ ہر جماعت نوں قبول ہوئے، انتخابی نظام وچ اصلاحات تجویز کررہے نیںتے ووٹنگ مشین لیانا چاہندے آں تاکہ20توں25منٹ وچ نتیجہ سامنے آجائے۔