حکومت نے تعلیمی اداریاں دیاں فیساں 20فیصد گھٹ کردتیاں

اسلام آباد( پنجابی میڈیا گروپ) وزارت تعلیم نے پرائیویٹ اداریاں دیاں اپریل تے مئی دیاں فیساں 20فیصد گھٹ کرن دا اعلان کردتا۔
میڈیا دے مطابق کورونا د ی تیجی لہر تے عوام دی پریشانی نوں ساہمنے رکھدیاں وزارت تعلیم دا اک وڈا فیصلہ ساہمنے آیا اے کہ وفاقی وزارت تعلیم نے پرائیویٹ تعلیمی اداریاں دیاں فیساں20فیصد گھٹ کرن دا اعلان کیتا ایتے ایس حوالے نال باضابطہ نوٹیفکیشن وی جاری کردتا گیا اے۔
نوٹیفکیشن دے مطابق اپریل تے مئی دیاں فیساں20فیصد گھٹ کر دتیاں گیاں نیں، لیکن فیساں گھٹ دا اطلاق 8ہزار توں ودھ فیساں والے اداریاں اُتے ہوئے گا۔