ڈرامہ بنان والے ناظرین نوںبے وقوف سمجھ رہیے نیں۔ ثانیہ سعید

کراچی( پنجابی میڈیا گروپ) معروف ٹی وی اداکارہ ثانیہ سعید ہوراں آکھیا کہ ڈرامہ بنان والیاں نے ناظرین نوںبے وقوف سمجھ لیا اے۔
یوٹیوب چینل نوںدتے گئے انٹرویو وچ ثانیہ سعید ہوراں آکھیا کہ پوری دنیا وچ منفرد کم تیکاروباری سوچ دے درمیان لڑائی چل رہی اے تے ایہ ہمیشہ رہے گی، ایس لڑائی نال کئی وار وڈیاں شیواں وی بنیاں نیں۔ اسیں اپنے فنکاراں خاص کر چنگے مصنفاںنوں اک پاسے کردتا اے۔ یا تے اوہناں توں ڈرامے لکھوائے ہی نہیں جاندے یا فیر اوہناں توں اوہ کجھ لکھوایا جاندا اے جس اُتے ااوہناں نوں مہارت نہیں ہندی، دُوجی صورت وچ اوہناں مصنفاں نوں کم دتا جاندا ایجیہڑی ویکن والی چیزلکھ سکدے نیں
ثانیہ سعید ہوراں آکھیا کہ موجودہ صورت حال وچ اسیں اپنی شینوں ویچن دی مہارت نوں بہتر کرن دی بجائے اپنے مصنفاں دی مہارت نوںکند کردے جارہے نیں، ایس وچ سب توں وڈا المیہ ایہ اے کہ ڈرامہ بنان والیاں اپنے ناظرین نوںبے وقوف سمجھنا شروع کردتا اے۔ اگراینج ہی سی تے ساہنوں اپنے ناظرین دے ذہناں نوں تیز کرن لئی کم کرنا چاہیدا سی۔