سندھ اندر پیپلزپارٹی ولوں بدسلوکی دی انتہا ہوچکی اے، مصطفی کمال

کراچی (پنجابی میڈیا گروپ )چیئرمین پاک سرزمین پارٹی (پی ایس پی)مصطفی کمال داآکھنا سی کہ سندھ دے شہری علاقیاں وچ چودہ سال وچ اک قطرہ پانی نہیں دتا گیا۔ سندھ وچ پیپلزپارٹی دی بدسلوکی دی انتہا ہوچکی اے،تفصیلات دے مطابق مصطفی کمال نے پریس کانفرنس دے دوران آکھیاکہ کراچی کچرا کنڈی بن گیا۔شہر وچ افراتفری اے، لوکائی مر رہے نیں پر بلاول بھٹو یا کسی ہور حکمران نوں غصہ نہیں آئوندا۔ ایہناں دا آکھنا سی کہ پی ٹی آئی دی کمزور سرکار پیپلزپارٹی دی وجہ توں چل رہی اے۔ سندھ وچ اج تیک کتے دے کٹن دا مسئلہ حل نہیں ہو سکیا۔ مصطفی کمال ہوراں نے مزیدآکھیا اے کہ پیپلزپارٹی دا ظلم رکھن دا ناں نہیں لے رہیا۔ ودھدا جا رہیا اے۔