عورتاں نوں اپنے خاوند توں بغیر حج دی درخواست دین دی اجازت مل گئی

لہور( پنجابی میڈیا گروپ)سعودی وزارت حج نے اعلان کیتاکہ عورتاں نوں ہن اپنے خاوند توں بغیر وی حج لئی درخواست دے سکدیاں نیں۔عرب میڈیا دے مطابق سعودی وزارت حج دا کہنا اے کہ ایس سال حاجیاں لئی3پیکجاں نوں منظور کیتا گیا اے جناں وچ اک عورتاں لئی اے۔وزارت حج دا کہنا اے کہ حج دی خواہش رکھن والیاں عورتاں ہن انفرادی طور اُتے وی اپنی رجسٹریشن کراسکدیاں نیں جس لئی اوہناں نوںکسی مرد ساتھی دی ضرورت نہیں ہوئے گی تے اوہ ہوراں عورتاں نال رجسٹریشن دی درخواست دے سکدیاں نیں۔عرب میڈیا دا دسنا اے کہ حج لئی رجسٹریشن پورٹل13جون تون آن کردتا گیا اے۔ایس سال وی صرف سعودی شہریاں تے سعودیہ وچ رہن وایغیر ملکی حج کرسکن گے ۔ خیال رہے کہ سعودی عرب نے ایس سال وچ کورونا وائرس دی وجہ نال حاجیاں دی تعداد گھٹ کر کے60ہزار تک کیتا اے تے ایس سال وی صرف سعودی عرب وچ رہن والے سعودی شہری تے غیر ملکی فریضہ حج ادا کرسکن گے۔سعودی وزارت حج ولوں آکھیاگیا اے کہ18توں65سال تک حج دے خواہش مند افراد لئی ضروری اے کہ اوہ کورونا ویکسی نیشن کران تے اوہ کسی لاعلاج مرض وچ مبتلا نہ ہون۔