انگریزی بولن نال کرپشن دے داغ ختم نہیں ہندے،حماد اظہر

اسلام آباد(پنجابی میڈیا گروپ)حماد اظہر نے اپوزیشن نوں پوری تقریر سنن دا چیلنج کردیاں ہویاں آکھیا اے کہ معیشت اتے اک نابالغ لیکچر دتا گیا، انگریزی بولن نال کرپشن دے داغ نہیں دھلدے،کرپشن دے نال تباہی ویکھنی اے تے سندھ جا کے ویکھو۔وفاقی وزیر حماد اظہر دی تقریر دے دوران اپوزیشن لیڈر قومی اسمبلی شہبازشریف تے چیئرمین پیپلزپارٹی بلاول بھٹو زرداری ایوان توں اٹھ کے چلے گئے۔اوہناں نے مزیدآکھیا اے کہ معیشت اتے اک نابالغ لیکچر دتا گیا، انگریزی بولن نال کرپشن دے داغ نہیں دھلدے،پی ٹی آئی رہنما نے قومی اسمبلی وچ اظہار خیال کردیاں ہویاں آکھیا کہ بلاول وچ جرات اے تے میری تقریر سن کے جان ۔دسنا چاہناں واں مونہہ ٹیڑھا کرکے انگریزی بول کے کردار صاف نہیں ہو جاندے، اپوزیشن ڈیسک توں ای آواز تے گالی دتی گئی۔ اپوزیشن ڈیسکاں توں ای آکھیا گیا گالی دینا پنجاب دا کلچر اے۔ گالی دینا پنجاب دا کلچر نہیں، اسیں وی پنجاب توں تعلق رکھدے آں۔ شیریں مزاری دے خلاف جہڑے کلمات آکھے گئے اوہ وی ریکارڈ دا حصہ نیں۔حماد اظہر دامزیدآکھنا سی کہ جتنا پیپلزپارٹی دور وچ مہنگائی وچ اضافہ ہویا اتنا آمدن وچ اضافہ نہیں کیتا گیا۔