عمران خان آن والی نسلاں دا سوچ رہے نیں، شہباز گِل

اسلام آباد(پنجابی میڈیا گروپ)وزیراعظم دے معاون خصوصی شہباز گِل داآکھنا اے کہ وزیراعظم عمران خان آن والی نسلاں دا سوچ رہے نیں۔سماجی رابطے دی ویب سائٹ ٹوئٹر تے اپنے بیان وچ وزیراعظم دے معاون خصوصی شہباز گِل نے آکھیاکہ وزیراعظم اج داسو ڈیم دا دورہ کرن تے اوتھے جاری تعمیراتی کم دا جائزہ لین گے۔شہباز گِل نے مزیدآکھیاکہ داسو ڈیم فیز ون 2025 تے فیز ٹو 2029 وچ مکمل ہووے گا، داسو ڈیم فیز ون توں نیشنل گرڈ نوں 2160 میگا واٹ بجلی دتی جاوے گی جدکہ ڈیم دا فیزٹو مکمل ہون دے بعد ایہدی استعداد 4320 میگا واٹ ہو جاوے گی۔