افغانستان وچ اسلامی نظام چاہندے آں: طالبان

کابل( پنجابی میڈیا گروپ)افغان طالبان نے آکھیا اے کہ اینج دااسلامی نظام چاہندے واں، جس وچ مذہبی اصولاں تے ثقافتی روایتاں دے تحت عورتاں دے حقوق دی ضمانت وی دتیگئی ہوئے۔
عالمی خبر رساں ادارے دے مطابق افغانستان توں غیر ملکی فوجیاں دا انخلا جاری اے تے دوحہ وچ ہون والے کابل حکومت تے افغان طالبان دے درمیان بین الافغان مذاکرات بے نتیجہ ثابت ہوئے نیں اینج دی صورت حال وچ طالبان ولوں جاری بیان اندر امن مذاکرات اُتے یقین رکھن دی یقین دہانی تے اسلامی نظام دے نفاذ دا مطالبہ کیتا گیا اے۔افغان طالبان ولوں جاری بیان وچ آکھیا گیا ایکہ امن مذاکرات اُتے یقین رکھدے واں تیملک وچ اینج دا حقیقی اسلامی نظام نافذ کرنا چاہندے آں جس وچ عورتاں نوں مذہبی اصولاں تے ثقافتی روایتاںدے تحت سارے حقوق حاصل ہون۔ حقیقی اسلام نظام دا نفاذ ہی ملک وچ امن تے خوشحالی دا ضامن اے۔