اپنے چہرے دی کوئی شے چنگی نہیں لگدی: علیزے شاہ

لہور( پنجای میڈیا گروپ)انسٹاگرام اُتے علیزے شاہ دا نجی ٹی وی نوں ماضی وچ دتا گیا اک انٹرویو کلپ خاصا وائرل ہورہیا اے جس وچ علیزے شاہ دے نال ہدایتکار یاسر نواز تے اداکارہ دے سابق قریبی دوست اداکار نعمان سمیع نوں وی ویکھیا جاسکدا اے۔دوران شو میزبان نے علیزے توں سوال کیتا کہ اوہناں توں اپنے چہرے دے نقش وچ سب توں ودھ کیہ پسند اے؟ایس دے جواب وچ علیزے دا کہنا سی کہ مینوں اپنے چہرے وچ نقص نظر آندے نیں،شیشہ ویکھ کے خیال آندا ایکہ آکھاں تھوڑیاں اینج نیں، تھوڑی جئی تے لمبی ہونی چاہی دی سی،ہونٹ کجھ تبدیل ہندے یا فیر نک تھوڑی جئی ہور پتلی ہندی۔اداکارہ دا کہنا سی کہ مینوں اپنے چہرے وچ کوئی شے چنگی نہیں لگدی۔