افغانستان توں امریکا دے شہریاں نوں گھر دئیاں سنے و اپس گھل دتا گیا

واشنگٹن( پنجابی میڈیا گروپ)افغانستان توں امریکا لئی کم کرن والے200افغانی شہری تے اوہناں دے گھر دیاں نوں خصوصی طیارے دے ذریعے واشنگٹن گھل دتا گیا
عالمی خبر رساں ادارے دے مطابق افغانستان توں امریکا دے وفادار افغان شہریاں تے اوہناں دے گھر دئیاں دا عمل وی شروع ہوگیا اے۔امریکا لئی کم کرن والے افغان شہریاں نے اپنیاں جاناں نوں لاحق خطرے پاروں کابل وچ امریکا منتقلی لئی مظاہرہ وی کیتا سی۔امریکی وزارت داخلہ دے دستاویز تے فلائٹ ٹریکر توں پتہ چلدا اے کہ پہلی کھیپ وچ57بالاںتے15شیر خوار سنے221بندیاں نوں خصوصی پرواز دے ذریعے واشنگٹن دے ڈولیئس ایئرپورٹ اُتے اتاریا گیا اے۔افغانی شہریاں دی امریکا منتقلی لئی ہور پروازاں وی متوقع نیں۔