ایس وار الیکشن الیکٹرانک مشین اُتے ہون گے،شیخ رشید

اسلام آباد(پنجابی میڈیا گروپ)وفاقی وزیرداخلہ شیخ رشید نے آکھیا اے کہ آئندہ عام چنا الیکٹرانک مشین دے نال ہون گے ،کیونکہ ایہہ ہن قانون بن گیا اے۔ شکر اے اللہ نے سانوں نالائق تے نااہل اپوزیشن دتی اے۔ 24 گھنٹے ٹی وی نوں میٹیریل دینا بڑا مشکل اے،40 حلقیاں دا فیصلہ اوور سیز پاکستانیاں دے ووٹ توں ہووے گا، کئی حلقیاں وچ 50 ہزار اوورسیز ووٹ نیں۔راولپنڈی دے گرلز ڈگری کالج ایف بلاک وچ نئے ہال دی افتتاحی تقریب دے نال خطاب کردیاں ہویاں وفاقی وزیر شیخ رشید داآکھنا سی کہ اپنے شہر وچ یونیورسٹی ،کالجز ،سکولز دا جال بچھا دتا اے۔ بچیاں نے 100 وچوں 100 نمبرز لے میں تاں 60 تیک نمبر لینداساں، پاکستان دی بیٹی پڑھی لکھی جدکہ ساڈے پتر نالائق ہوگئے نیں۔اپنے خطاب وچ اوہنا ں نے مزیدآکھیا اے کہ آئندہ عام چنا الیکٹرانک مشین دے نال ہون گے ،کیونکہ ایہہ ہن قانون بن گیا اے۔ شکر اے اللہ نے سانوں نالائق تے نااہل اپوزیشن دتی اے۔ 24 گھنٹے ٹی وی نوں میٹیریل دینا بڑا مشکل اے،40 حلقیاں دا فیصلہ اوور سیز پاکستانیاں دے ووٹ توں ہووے گا، کئی حلقیاں وچ 50 ہزار اوورسیز ووٹ نیں۔ اوورسیز ووٹ تحریک انصاف نوں ملن گے تے اپوزیشن آکھے گی دھاندلی ہوگئی اے۔ وفاقی وزیر نے ملک وچ مہنگائی دا اعتراف کردیاں ہویاں آکھیا کہ سانوں ادارک اے کہ ملک وچ مہنگائی اے پر ہن سانوں ایہدا حل تلا ش کرنا اے۔