تیل دا ریٹ گھٹ کرنا صرف عوا م لئی ‘لولی پاپ’ اے، شہباز شریف

لہور(پنجابی میڈیا گروپ) مسلم لیگ (ن) دے صدر تے پارلیمنٹ وچ قائد حزب اختلاف شہباز شریف نے آکھیااے کہ تیل دی قیمتاں وچ کمی عوا م لئی ‘لولی پاپ’ اے،سرکار عالمی منڈی وچ تیل دی قیمتاں دا عوام نوں فائدہ دیوے۔ عوام نوں چکر نہ دیوے۔ مہنگائی دا بلند ترین سطح اتے آپڑنا معیشت دی تباہی دی دلیل اے۔ آئی ایم ایف دی عوام تے قومی مفاد دی دشمن شرائط تسلیم کرے اوہ ناقابل اعتباراے۔ اپنے اک بیان وچ پچھلے وزیراعلیٰ پنجاب شہباز شریف داآکھنا سی کہ مہنگائی دا سال بلند ترین سطح اتے آپڑنا غریباں لئی قیامت تے معیشت دی تباہی اے۔ صدر مسلم لیگ ن نے مزیدآکھیا اے کہ مہنگائی 13 سال دی بلند ترین سطح اتے آپڑ چکی اے۔ اوہناں نے مزیدآکھیا اے کہ حکومتی بیانات دینال ایہہ اگ نہیں بجھے گی۔ شہبازشریف نے مزیدآکھیا کہ ماہانہ 11.5 فیصد مہنگائی ہونا سرکار دے عوام اتے ظلم تے معاشی بربادی دا اعتراف جرم اے، غریب عوام گھی دا ڈبہ خریدن توں مجبور ہوچکے نیں۔