اسیں عام آدمی نوں ریلیف دین لئی ہر ممکن کوشش کر رہے واں،عمران خان

اسلام آباد(پنجابی میڈیا گروپ)وزیراعظم عمران خان نے آکھیااے کہ لوکائی دی تکالیف ویکھدیاں ہویاں غریب ترین افراد نوں ضرورت دیاں شیواں اُتے سبسڈی دے رہے آں۔متعلقہ حکام غریباں نوں فائدہ پہنچان لئی رجسٹریشن عمل نوں تیز کرن۔تفصیل دے مطابق وزیراعظم عمران خان دی زیر صدارت احساس راشن پروگرام توں متعلق اجلاس ہویا،ڈاکٹر ثانیہ نشتر،مشیر خزانہ شوکت فیاض ترین،وزیر اعلیٰ گلگت بلتستان خالد خورشید،ڈاکٹر شہباز گل تے متعلقہ سینئر افسراں نے اجلاس وچ رلت کیتی۔اجلاس نوں بریفنگ دتی گئی کہ احساس راشن پروگرام دے تحت ماہانہ لکھاں روپے دی سبسڈی دتی جاند ی اے،دن دے 20 ملین گھراں نوں آٹا،گھیو تے دالاں اُتے1000دتے جان گے جناں دی ماہانہ50000آمدنی روپے توں گھٹ اے،پروگرام ایس مہینے دسمبر نوں ملک بھر وچ شروع کیتا جاوے گا،پروگرام دے تحت کریانہ اسٹوراں دی رجسٹریشن جاری اے،تے ہن تک15000توں ودھ کریانہ اسٹور رجسٹرڈ ہو چکے نیں۔وزیراعظم عمران خان ہوراں نے آکھیا اے کہ سرکار عام آدمی نوں ریلیف فراہم کرن لئی ہر ممکن اقدامات کر رہی اے۔