یوسف رضا گیلانی دے استعفے دا اعلان ڈرامہ اے: شاہ محمود قریشی

اسلام آباد(پنجابی میڈیا گروپ)شاہ محمود قریشی ہوراں یوسف رضا گیلانی نوں شدید تنقید دا نشانہ بنادیاں ہویاں آکھیا کہ استعفے دا اعلان اک ڈرامہ سی ، ایہ ہمیشہ ایسی کرسی نال چمٹے رہن گے، یوسف رضا گیلانی کِنج لیڈر آف اپوزیشن بنے سبھ جاندے نیں، اوہناں دے پُتر دی لئی ویچی کردیاں ہویاں ویڈیو ساہمنے آئیاں، ن لیگ نال پہلے وی ہتھ ہویا تے آئندہ وی ہوئے گا۔
وزیر خارجہ شاہ محمود قریشی نے سینیٹ وچ اظہار خیال کردیاں ہویاں آکھیا کہ کیا قائد حزب اختلاف دے علم وچ نہیں سی کہ بل سینیٹ وچ آیا اے، سینیٹر دلاور کہندے نیں اپوزیشن لیڈر دے دفتر حاضر ہویا مگر اوہ وکھائی نہیں دیندے، اپوزیشن لیڈر ووٹ خرید کے منتخب ہوئے، کیا اپوزیشن لیڈر الیکشن کمیشن وچ تریخاں نہیں بھگت رہے، اج وی قائد حزب اختلاف دی پٹیشن الیکشن کمیشن وچ چل رہی اے، کیا اپوزیشن لیڈر دی ووٹ خریدن والی ویڈیو ساہمنے نہیں آئی۔شاہ محمود قریشی ہوراں آکھیا کہ سینیٹ وچ اکثریت ن لیگ دی اے مگر گیلانی قائد حزب اختلاف بن جاندے نیں، ن لیگ نال تد وی ہتھ ہویا، جمعہ نوں وی ہتھ ہویا، ن لیگ نال آئندہ وی ہتھ ہون والا اے، پیشگوئی کر رہیا واں، پارلیمنٹ نوںبالادستی حاصل اے، قائد حزب اختلاف دا بیان غیر زمہ دارانہ اے، اسٹیٹ بینک نوں خود مختار بنانا آئین دے خلاف نہیں، سابقہ حکومتاں اپنے مقصد لئی ایس ادارے نوں استعمال کردیاں سن۔