نواز شریف دی جھوٹی رپورٹ، اُمید اے کہ عدالت سختی نال نوٹس لئے گی: فواد چودھری

اسلام آباد( پنجابی میڈیا گروپ) وفاقی وزیر اطلاعات فواد چودھری ہوراں آکھیا کہ نواز شریف دی جھوٹی رپورٹ جمع کروان نال مسئلہ حل نہیں ہوئے گا ۔ اُمید کرنا واں کہ عدالت اوہناں دی جعلی رپورٹاں دا سختی نال نوٹس لئے گی۔سابق وزیراعظم میاں محمد نواز شریف دی میڈیکل رپورٹ دے حوالے نال رد عمل دیندیاں ہویاں وزیر اطلاعات دا کہنا سی کہ قائد ن لیگ دے کول سبھ توں آسان رستہ قوم دے پیسے واپس کرن تے لندن ہی رہن، اوہناں دا مسئلہ جھوٹی رپورٹ نال حل نہیں ہوئے گا۔اوہناں نے آکھیا کہ اینج دی رپورٹ دا مقصد پاکستان دے قنونی نظام دا مذاق اڑانا اے، رپورٹ دے مطابق نواز شریف نوں ہائیڈ پارک دے علاوہ کدھرے وی نہیں جانا۔ اوہناں نوں چاہیدا اے کہ قنونی طور اُتے کم نوں سر انجام دیون۔ شریف فیملی جعلی رپورٹاں دے پلندیاں دی بجائے قوم دے پیسے واپس کرے، ڈاکٹرشال امریکا وچ رہندے نیں، ڈاکٹرشال ہوراں آکھیا نوازشریف دی حالت اینج دی نہیں کہ اوہ سفر کرسکن۔ امید کردا واں عدالت اوہناں جعلی رپورٹاں دا سختی نال نوٹس لئے گی۔ تے ملکی وقار بحال کیتا جائے گا۔