ہیلتھ کارڈ نال صحت دے شعبے وچ انقلاب آئے گا: وزیراعظم

بہاولپور( پنجابی میڈیا گروپ) وزیراعظم عمران خان نے آکھیا کہ ہیلتھ کارڈ نال صحت دے شعبے وچ انقلاب آئے گا،ن لیگ نے قرضے لے کے گروتھ حاصل کیتی، فیکٹری اُتے ڈاکو بٹھا دین گے تے اوہ دیوالیہ ہو جائے گی۔وزیراعظم نے بہاولپور وچ قومی صحت کارڈ اجرا دی تقریب نال خطاب کردیاں ہویاں آکھیا کہ سابقہ حکومتاں نے کدی عوام اُتے اینہا پیسہ خرچ نہیں کیتا، برطانیہ جاکے ویکھیاکہ انسانیت کیہ ہندی اے جیتھے پیسے دے کے تے مفت علاج کران والیاں وچ فرق نہیں کیتاجاندا۔برطانیہ دا ہیلتھ بجٹ پاکستان دے بجٹ توں کئی گنا ودھ اے ۔ انتہائی افسوس نال کہنا پیندا اے کہ مسلمان ملک فلاحی ریاست توں بوہت دور نیں۔اوہناں نے آکھیا کہ خیبرپختونخواحکومت نے سبھ توں پہلاں ہیلتھ کارڈجاری کیتا، یونیورسل ہیلتھ کوریج امیرترین ملکاں وچ وی نہیں ملدی، ایس قدم نال نجی سیکٹرچھوٹے شہراں وچ ہسپتال بنائے گا، ہیلتھ کارڈ صحت دے شعبے وچ انقلاب لیان دا سبب بنے گا۔عمران خان نے آکھیا کہ ساڈھا مقابلہ ڈاکواں دے ٹولے نال اے، ایہ چوری کرن تے کہندے نیں کہ ساہنوں این آراودے دیو، ایہ کیتھوں دا انصاف اے کہ غریب چوری کرے تے اوس نوں جیل وچ پا دیو۔ لندن دی سبھ توں مہنگی جگہ اُتے اوہناں دے گھر نیں، بی بی سی نے اوہناں دی کرپشن اُتے ڈاکو مینٹری جاری کیتی۔ ن لیگ نے قرضے لے کے گروتھ حاصل کیتی، فیکٹری اُتے ڈاکو بٹھا دیوں گے تے اوہ دیوالیہ ہو جائے گی۔