نکامی جنی مرضی دہرائی جائے اوہ کامیابی وچ نہیں بدل سکدی‘ہمایوں اختر

لہور( پنجابی میڈیا گروپ) پاکستان تحریک انصاف دے سینئر مرکزی رہنما و سابق وفاقی وزیر ہمایوں اختر خان نے آکھیا اے کہ منفی سر گرمیاں ول اپوزیشن دی سیاست سکڑ رہی اے ایس لئی تحریک عدم اعتماد تے لانگ مارچ دا سوچن توں پہلاں ماضی دیاں نکامیاں توں سبق سِکھنا چاہیدا اے ، اپوزیشن سڑکاں اُتے ہلکان ہو جائے گی لیکن اپنے مقصد وچ کامیاب نہیں ہو سکے گی ، انشا اللہ 2023ء دے الیکشن توں بعد وی ایہی تسلسل رہے گا ۔ اپنے اک بیان وچ اوہناں نے آکھیا کہ قرضیاں دا وڈھا حصہ مسلم لیگ (ن) دے دور دے مہنگے قرضے اتارن لئی استعمال ہویا اے تے اعدادوشمار اُتے کوئی وی جدوں چاہے گل کر لئے دُدھ دا دُدھ تے پانی دا پانی ساہمنے آ جائے گا۔