پاکستان دی سلامتی لئی کسی قربانی توں دریغ نہیں کراں گے‘ مولانا سید محمد عبد الخبیرآزاد

مکوآنہ (پنجابی میڈیا گروپ ) جامعہ سلفیہ دے پر بندھ ہیٹھ عظیم الشان اتحاد بین المسلمین سیمینار کیتا گیا، سیمینار دے اُچیچے پروہنے جانشین امام السلاطین سفیرامن مولانا سید محمد عبد الخبیر آزاد چیئرمین مرکزی رویت ہلال کمیٹی پاکستان خطیب و امام بادشاہی مسجد لہور چیئرمین مجلس علماء پاکستان سن، اتحاد بین المسلمین سیمینار نال خطاب کردیاں ہویاں سفیر امن مولانا سید محمد عبدالخبیر آزاد نے آکھیا کہ اسلام دا پیغام امن اتحاد تے یکجہتی اے ، اسلام دے پیغام اُتے عمل کر کے نا قابل تسخیر قوت بن سکدی اے، مولانا آزا د نے آکھیاکہ قومی یکجہتی امن تے اتحاد نال ہی پاکستان خوشحال ہوئے گا ، اسیں پاکستان دی سلامتی تے تحفظ لئی قوم نوں اک پلیٹ فارم اُتے جمع کرنا چاہندے ہاں، ساڈھا دشمن بھارت پاکستان وچ انتشار تے عدم استحکام پیدا کرنا چاہندا اے،انڈیا تے مودی دی کوئی سازش کامیاب نہیں ہون دیاں گے۔