یکم مارچ توں سکولاں دے ٹائم تبدیل کرن اُتے سوچ وچار

لہور( پنجابی میڈیا گروپ) محکمہ سکولز ایجوکیشن ولوں یکم مارچ توں سکولاں دے ٹائم تبدیل کرن اُتے غور شروع کر دتا گیا ، اوقات کار وچ تبدیلی دن دا دورانیہ ودھن پاروں کیتی جائے گی۔ محکمہ سکولزایجوکیشن نے یکم مارچ توں سکولاں دے ٹائم بدلن اُتے غور شروع کر دتا اے، یکم مارچ توں سکولاں دے ٹائم سویرے 8 وجے توں 2 وجے تک ہوسکدے نیں، ایس ویلے سکولاں دے ٹائم پونے9 وجے توں پونے 3 وجے تک نیں، ایس سلسلے وچ محکمہ سکولزایجوکیشن نے اتھارٹیاں توں وی رائے منگ لئی اے۔