قومی اسمبلی دااجلاس میری وجہ نال ملتوی کیتا گیا ‘ شہباز شریف

لہور( پنجابی میڈیا گروپ) پاکستان مسلم لیگ (ن) دے صدر شہباز شریف نے آکھیا کہ قومی اسمبلی دا اجلاس صرف میری وجہ نال ملتوی کیتا گیا کیونکہ فرد جرم لئی18 فروری دی تریخ مقرر سی ، اسیں استدعا کیتی کہ تریخ 17یا19فروری کر دتی جائے ، اوہناں دا مقصد ایہہ صرف سی کہ میں شاید18 فروری نوں بہانہ بناواں گا کہ قومی اسمبلی دا اجلاس اے ۔ پیشی توں بعد میڈیا نال گل بات کر دیاں اوہناں نے آکھیا کہ عدالت نے ایف آئی اے دی درخواست خارج کیتی تے اوہناں نے اسمبلی سیشن دی تریخ بدل دتی، حکومت دا ارادہ سی کہ 18 فرد جرم عائد کروان گے لیکن اللہ مالک اے۔عدالت وچ تلخ کلامی بارے پچھے گئے سوال اُتے صدر شہباز شریف نے آکھیا کہ میں عدالت وچ کوئی تلخ کلامی نہیں کیتی۔