عوام دیاں آکھاں وچ ایس ویلے خون اُتریا ہویا اے:حمزہ شہباز

لہور( پنجابی میڈیا )پنجاب اسمبلی وچ قائد حزب اختلاف حمزہ شہباز ہوراں آکھیا کہ عمران نیازی نے ظلم دے سارے ریکارڈ توڑ دتے، بدقسمتی نال ملک دا وزیراعظم جھوٹا تے نکما اے، ہن عوام دی عدالت وچ حساب ہوئے گا ، اوہناں نوں نٹھن نہیں دیاں گے، پٹرول دی قیمت ہور ودھانا عوام اُتے مہنگائی دا اک ہور بمب اے۔ عدالت وچ پیشی توں بعد میڈیا نال گل بات کر دیاں ہویاں حمزہ شہباز نے آکھیا کہ اسیں عمران نیازی نوں نٹھن نہیں دیاں گے، عوام دی عدالت وچ اوہناں دا احتساب ہوئے گا ، آکھیا کہ نواز شریف تے شہباز شریف دے خلاف اک پائی دی کرپشن ثابت نہیں ہو سکی ، ساڈھے خلاف مقدمیاں وچ نکلیا کیہ ؟ کھودا پہاڑ نکلیا چوہا ۔اوہناں نے آکھیا کہ قوم مہنگائی دے ہتھوں پس رہی اے، غریب دے بالاں دے منہ توں دودھ وی کھو لیا گیا اے ،کورونا بیماری وچ بخار دیاں دوا ناپید ہو گئی۔