عمران خان نے شہباز شریف لئی ہرادارے نوں استعمال کیتا ‘ مریم اورنگزیب

لہور( پنجابی میڈیا گروپ ) پاکستان مسلم لیگ (ن) دی مرکزی سیکرٹری اطلاعات مریم اورنگزیب نے آکھیا کہ عمران خان نے شہباز شریف دے بغض وچ ہر ادارے نوں استعمال کیتا ، نیب دے چیئرمین تے ایف آئی اے دے سربراہ عمران خان دے ذاتی ملازم بننا بند کرن ، شہباز شریف صرف چوہدری شجاعت دی عیادت لئی گئے سن اوہناںاُتے ایس دے علاوہ کوئی گل بات نہیں ہوئی، پاک سرزمین صحافیاں اُتے تنگ کیوں ہو رہی اے، ریاست دی طاقت نوں صحافیاں دے خلاف استعمال کیتا جا رہیا اے، صاف پانی کیس وچ نامزد افراد بری ہوگئے، شہباز شریف نوں صاف پانی کیس وچ بلا کے آشیانہ کیس وچ گرفتار کیتا، شہزاد اکبر دستاویزاں اُتے گول دائرے لا کے تضحیک کردے سن