کڑی ، منڈے نے ویاہ رُکن اُتے اپنے آپ نوں گولی مار لئی

شرقپور شریف (پنجابی میڈیا گروپ ) شرقپور شریف وچ منڈے تے کُڑی نے مبینہ طور اُتے گھر والیاں ولوں ویاہ رُکن اُتے اپنے آپ نوں گولی مار لئی،گولی لگن نال نوجوان موقع اُتے جاں بحق ہو گیا جدکہ کُڑی نوں شدید زخمی حالت وچ لاہور ریفر کر دتا گیا ۔ دسیا گیا اے کہ مرزا پور سٹاپ جڑانوالہ روڑ شرقپور شریف وچ اک نوجوان منڈے تے کُڑی نے اپنے آپ نوں گولی مار لئی ۔ اطلاع ملن اُتے پلس تے ریسکیو ٹیماں موقع اُتے اپڑ گئیاں ۔ پلس دے مطابق منڈا موقع اُتے ہی جاں بحق ہو گیا جدکہ کُڑی نوں زخمی حالت وچ طبی امداد توں بعد ٹی ایچ کیو ہسپتال منتقل کیتا گیا جیتھے اوس دی حالت تشویشناک ہون اُتے اوس نوں میو ہسپتال منتقل کردتا گیا ۔ جیتھے جاں بحق ہون والے منڈے دی شناخت25 سالہ اشفاق ولد رشید تے کُڑی دی شناخت18 سالہ اقصی دختر منیر دے ناں توں ہوئی اے۔