اپوزیشن صرف ترقی دی راہ وچ روڑے اٹکا رہی اے: عثمان بزدار

لہور( پنجابی میڈیا گروپ) وزیراعلی پنجاب سردار عثمان بزدار ہوراںآکھیا کہ اپوزیشن صرف ملاقاتاں وچ ہی عدم اعتماد لیا رہی اے، تحریک دا شوشہ چاہ دی پیالی وچ طوفان دے مترادف اے۔ عثمان بزدار ہوراں اپنے بیان وچ آکھیا کہ سیاسی مخالف عدم اعتماد دیاں گلاں صرف ہوا وچ کررہے نیں ، قوم نوں اینج دی تحریک نال کوئی دلچسپی نہیں، عوام صرف ترقی تے خوشحالی چاہندی اے۔وزیراعلی نے آکھیا کہ اپوزیشن ترقی دے سفر دی راہ وچ روڑے اٹکا رہی اے، اقتدار لئی سیاست کرن والی اپوزیشن دے ہتھ کجھ نہیں آئے گا ، اوہناں وچ عدم اعتماد دا حوصلہ ای نہیں۔