عمران نیازی دا اپنے ممبراں اُتے خریدے جان دا الزام لانا ممبراں دی تضحیک اے ‘ رانا ثنا اللہ

لہور( پنجابی میڈیا گروپ) مسلم لیگ (ن) پنجاب دے صدر رانا ثنااللہ نے وزیراعظم تے وفاقی وزیراں نوں چیلنج دیندیاں ہویاں آکھیا اے کہ عمران نیازی دا اپنے ممبراں اُتے خریدے جان دا الزام لانا ممبراں دی تضحیک اے، اگر تہاڈے کول بندے پورے نیں تے اسمبلی دا اجلاس بلاون اپنے ارکاناں اُتے الزام نہ لان ۔ اپنے بیان وچ اوہناں نے آکھیا کہ جیہڑے عوام نوںکنگال کرن اُتے تہانوں چھڈ کے جا رہے نیں تے ہور ارکاناں نوں چھڈن تے پرویز خٹک پہلاں اپنے بھرا نوں تے پی ٹی آئی وچ واپس لے کے آون ،چپڑاسی، گلے دی کمائی کھان تے جہانگیر ترین دے خرچے اُتے الیکشن لڑن والے عمران نیازی دے سگے بنن دی کوشش کر رہے نیں