وزیر اعظم مشیراں توں محتاط رہن :چوہدری پرویزالٰہی

لہور( پنجابی میڈیا گروپ) سپیکر پنجاب اسمبلی چوہدری پرویز الٰہی نے وزیر اعظم عمران خان دے ناں اپنے پیغام وچ آکھیا اے کہ اوہ اپنے مشیراں توں محتاط رہن جیہڑے غلط بیانی نال حکومت تے میڈیا وچ خلیج حائل کر رہے نیں ، تحریک انصاف دے ممبراں نوں میڈیا وچ جان توں روکن دی اطلاع اے ، پارٹی ولوں اپنے ممبراں نوں مخصوص چینلاں وچ نہ جان دین اُتے تشویش اے ایس نال تحریک انصاف اپنا نقطہ نظر متوازن طریقے نال عوام دے ساہمنے نہیں رکھ پائے گی ۔میڈیا رپورٹ دے مطابق سپیکر پنجاب اسمبلی چوہدری پرویز الٰہی نے آکھیا کہ آزادی اظہار رائے جموریت دا حسن اے۔