سپریم کورٹ دے فیصلے توں بعد حمزہ شہباز وزیر اعلی نہیں رہے‘فیاض الحسن چوہان

لہور(پنجابی میڈیا گروپ)تحریک انصاف دے رہنما و سابق صوبائی وزیر فیاض الحسن چوہان نے آکھیا اے کہ سپریم کورٹ دے فیصلے توں بعد حمزہ شہباز آئینی طور اُتے وزیر اعلی نہیں رہے،افسوس کہ حمزہ شہباز دی وزارت اعلی عامر لیاقت دے تیجے ویاہ ونگوں نہیں چل سکی۔فیاض الحسن چوہان نے اپنے بیان وِچ آکھیاکہ حمزہ شہباز دا وزارت اعلی نال چِپکے رہن دااعلان غیر قنونی تے غیر آئینی اے۔کئی وار آکھ چکیا ہاں کہ علیم،ترین تے منحرف ارکان وِچوں کوئی منسٹر تے سپیکر نہیں بن سکدا۔سپریم کورٹ دے فیصلے نے علیم وترین گروپ دیاں ناجائز امیداں اُتے پانی پھیر دِتا اے۔