ڈَٹ کے کھڑا ہون دا دعویدار زرداری دے پیریں پہ گیا:مریم نواز

مانسہرہ( پنجابی میڈیاگروپ)پاکستان مسلم لیگ(ن)دی نائب صدر مریم نواز نے آکھیااے کہ ڈَٹ کے کھڑاہون دادعویدار زرداری دے پیریں پہ گیا،سُپر پاور نوںدھمکیاں دین والا پشور دے بنکر وچ چھُپ کے بیٹھا اے،2نمبر لیڈر دابیانیہ،سازش تے مینڈیٹ سب2نمبر،انقلاب ہیلی کاپٹر اُتے سوار ہوکے نہیں آندا،حقیقی آزادی دا شور مچا کے اسلام آباد آن والے صبح سویرے فرار ہوگئے،جنے مارچ کرنے کرلو،حکومت نوں کجھ نہیں ہوئے گا،خیبر پختونخوا دی عوام نے انتشار تے فتنے اُتے مبنی لانگ مارچ مسترد کر دتا،شہبازشریف عمران خان دے لائے زخم بھر کے جان گے۔مانسہرہ وچ پاکستان مسلم لیگ(ن)دے جلسہ نال خطاب کردیاں ہویاں مریم نواز نے آکھیا کہ مانسہرہ وچ جلسے لئی نہیں آئی بلکہ میں اپنے گھر آئی ہاں، وزیراعظم شہباز شریف نوں اپنے دُوجے گھر وچ جی آیاں نوںکہندی ہاں،مانسہرہ نواز شریف دااے تے رہے گا،ہزارہ نواز شریف دااے تے رہے گا،ہزارہ موٹروے نواز شریف دی ہزارہ نال محبت دا ثبوت اے۔اوہناں نے آکھیا کہ شہباز شریف دی کمر وچ تکلیف اے،اوہ مانسہرہ دی محبت وچ گڈی وچ آئے نیں،شہباز شریف میرے دُوجے پیو نیں،اوہناں نال محبت اے،شہباز شریف پاکستان دا حقیقی خدمت گار اے،شہباز شریف نے پنجاب دی تقدیر بدلی، اوہ پاکستان دی قسمت وی بدل دین گے،وعدہ کردی ہاں جیہڑے زخم عمران خان نے پاکستان دے سینے اُتے لائے اوہ زخم شہباز شریف، نواز شریف بھر کے جان گے۔